წესები და პირობები

(სს „გუდვილი“; შპს „ჰიპერმარკეტი საბურთალო“)

კომპანიის დასახელება: სს „გუდვილი“

საიდენტიფიკაციო ნომერი: 206343991

მისამართი: ქ. თბილისი, ფარნავაზ მეფის გამზირი #1

ელ. ფოსტა: www.goodwill.ge; info@goodvill.ge; support@goodwill.ge;

ტელეფონი: 0322 40 00 02

კომპანიის დასახელება: შპს „ჰიპერმარკეტი საბურთლო“

საიდენტიფიკაციო ნომერი: 405500792

მისამართი: ქ. თბილისი, ქავთარაძის ქუჩა #1.

ელ. ფოსტა: www.goodwill.ge; info@goodvill.ge; support@goodwill.ge;

ტელეფონი: 0322 40 00 02

ყველა მომხმარებელი, რომელსაც სურს სავაჭრო პლატფორმა www.goodwill.ge მეშვეობით შეიძინოს პროდუქცია ან/და მიიღოს მომსახურება, ვალდებულია დაეთანხმოს წინამდებარე წესებსა და პირობებს.
წინამდებარე წესებსა და პირობებზე დათანხმებით, მომხმარებელი ადასტურებს, რომ:

მომხმარებელს აქვს სრული უფლებამოსილება იმისათვის, რომ გააფორმოს ხელშეკრულება კომპანიასთან და შეასრულოს ხელშეკრულებით ნაკისრი ვალდებულებები.

მომხმარებელი არის ქმედუნარიანი პირი და მოქმედებს თავისუფალი ნების გამოვლენის საფუძველზე და იგი არ იმყოფება ალკოჰოლური, ნარკოტიკული, ფსიქოტროპული ან სხვა ნებისმიერი პრეპარატის ზემოქმედების ქვეშ, რომელიც გამორიცხავს მისი თავისუფალი ნების გამოვლენას.

მომხმარებლის მიერ რეგისტრირებული ყველა მონაცემი არის ზუსტი.

მომხმარებელი არ არის ჩაბმული ან არ მონაწილეობს არცერთი იურისდიქციის კანონმდებლობით გათვალისწინებულ რაიმე სახის უკანონო საქმიანობაში.

მომხმარებლის მიერ ვებ-გვერდის მეშვეობით პროდუქტის შეძენის ან/და მომსახურების მიღების მიზნით, იგი ვალდებულია დარეგისტრირდეს ვებ-გვერდზე და შექმნას ანგარიში.
მომხმარებელი კისრულობს სრულ პასუხისმგებლობას მისი ანგარიშით განხორციელებულ ნებისმიერ ქმედებაზე.
სს ”გუდვილის“ ვებ-გვერდის მეშვეობით შესაძლებელია პროდუქტის დისტანციურად შეძენა ან /და მასთან დაკავშირებული მომსახურების მიღება.

კანონისმიერი გარანტია

თუ საქონელი ნაკლის მქონე აღმოჩნდა, მომხმარებელს უფლება აქვს, მოვაჭრეს მოსთხოვოს ნაკლის აღმოფხვრა (საქონლის უსასყიდლოდ შეკეთება ან შეცვლა, ფასის შემცირება) ან გავიდეს ხელშეკრულებიდან.

საქონლის შეკეთება და შეცვლა მომხმარებლის პირველი რიგის უფლებებია. მომხმარებელს უფლება აქვს, მოვაჭრეს მოსთხოვოს საქონლის უსასყიდლოდ შეკეთება ან შეცვლა, გარდა იმ შემთხვევისა, როდესაც ეს, საქონლის ბუნებიდან გამომდინარე, შეუძლებელია ან არათანაზომიერ ან შეუსაბამოდ დიდ ხარჯს მოითხოვს.

საქონელი შეკეთებული ან შეცვლილი უნდა იქნეს გონივრულ ვადაში, ისე, რომ მომხმარებელს არ შეექმნას მნიშვნელოვანი შეფერხება საქონლის ბუნებისა და იმ მიზნის გათვალისწინებით, რომლისთვისაც მან ეს საქონელი შეიძინა.

საქონლის უსასყიდლოდ შეკეთება ან შეცვლა გულისხმობს მოვაჭრის მიერ ყველა ხარჯის (მათ შორის, ფოსტის, სამუშაო ძალისა და მასალების ხარჯების) გაწევას, რომლებიც საჭიროა საქონლის ხელშეკრულებით გათვალისწინებულ პირობებთან შესაბამისობის უზრუნველსაყოფად.

მომხმარებელს უფლება აქვს, მოითხოვოს საქონლის ფასის შემცირება ან უარი თქვას ხელშეკრულებაზე, თუ არსებობს ერთ-ერთი შემდეგი პირობა:

ა) საქონლის შეკეთება ან შეცვლა შეუძლებელია;

ბ) მოვაჭრემ საქონელი გონივრულ ვადაში არ შეაკეთა ან არ შეცვალა და მომხმარებელმა ხელშეკრულების შესრულებისადმი ინტერესი დაკარგა;

გ) მოვაჭრის მიერ საქონლის შეკეთება ან შეცვლა მომხმარებელს მნიშვნელოვან შეფერხებას შეუქმნის.

მომხმარებელს უფლება აქვს, ხელშეკრულებიდან გასვლის შემთხვევაში მოითხოვოს ხელშეკრულების შეუსრულებლობით მიყენებული ზიანის ანაზღაურება საქართველოს კანონმდებლობით დადგენილი წესით.

მომხმარებელს არ აქვს უფლება, უარი თქვას ხელშეკრულებაზე, თუ საქონლის ნაკლი უმნიშვნელოა.

მომხმარებელს უფლება აქვს, ისარგებლოს ზემოხსენებული უფლებებით, თუ საქონლის ნაკლი საქონლის მისთვის გადაცემიდან 2 წლის განმავლობაში აღმოჩნდა.

თუ მომხმარებელმა საქონლის ნაკლი საქონლის მფლობელობაში მიღებიდან 6 თვის განმავლობაში აღმოაჩინა, საწინააღმდეგოს დამტკიცებამდე იგულისხმება, რომ ნაკლი არსებობდა საქონლის მიწოდებისას, თუ, საქონლის ბუნებიდან ან ნაკლის ხასიათიდან გამომდინარე, ეს შესაძლებელია. ამ შემთხვევაში მტკიცების ტვირთი მოვაჭრეს ეკისრება. თუ მომხმარებელმა საქონლის ნაკლი საქონლის მფლობელობაში მიღებიდან 6 თვის შემდეგ აღმოაჩინა, იმის მტკიცების ტვირთი, რომ ნაკლი არსებობდა საქონლის მიწოდებისას, მომხმარებელს ეკისრება.

დამატებითი ინფორმაცია

მომხმარებლის მიერ ასაწონი პროდუქტების შეკვეთის შემთხვევაში, წონაში შესაძლოა დაფიქსირდეს სხვაობა. კერძოდ, მომხმარებლის მიერ შეკვეთილი პროდუქციის წონასა და შეკვეთის გამზადებისას რეალურად აწონილი პროდუქციის წონას შორის სხვაობის არსებობისას, მოხდება მომხმარებელთან დაკავშირება და მასთან დაზუსტდება აღნიშნული საკითხი. ასეთ შემთხვევაში, მომხმარებელს უფლება აქვს, დაეთანხმოს ან გააუქმოს შეკვეთა. მომხმარებელს ანგარიშიდან ჩამოეჭრება რეალურად მისთვის მიწოდებული პროდუქტიის წონის შესაბამისი თანხა.

იმ შემთხვევაში, თუ მომხმარებლის შეკვეთა გულისხმობს ისეთი პროდუქტის შეძენას, რომელიც ექვემდებარება რეგულირებას ან მის შეძენასთან/მოხმარებასთან/მიწოდებასთან დაკავშირებით კანონმდებლობით არსებობს შეზღუდვები, მომხმარებელი ვალდებულია მსგავსი პროდუქტების შეძენისას/მოხმარებისას/მიღებისას იხელმძღვანელოს მოქმედი კანონმდებლობით. მომხმარებლის მიერ აღნიშნული ვალდებულების დარღვევისას პასუხისმგებელ პირს წარმოადგენს მომხმარებელი.

ალკოჰოლური სასმელების და თამბაქოს შეძენის შემთხვევაში, გამოიყენება “თამბაქოს კონტროლის შესახებ” საქართველოს კანონითა და “მავნე ზეგავლენისაგან არასრულწლოვანთა დაცვის შესახებ” საქართველოს კანონით გათვალისწინებული სპეციალური ნორმები.

მიწოდების პირობები:

პლატფორმის საშუალებით შეძენილი პროდუქციის/მომსახურების მიღებას მომხმარებელი შეძლებს პლატფორმაზე მის მიერ მითითებულ მისამართზე, პლატფორმაზე არსებული პირობების და „მომხმარებლის უფლებების დაცვის შესახებ“ საქართველოს კანონის შესაბამისად.

პლატფრომის საშუალებით მომხმარებლის მიერ გადახდილი თანხა ირიცხება კომპანიის ანგარიშზე.

მომხმარებლის მიერ პლატფორმის საშუალებით შესყიდული პროდუქციის მიწოდება მოხდება პროდუქციის ღირებულების და მიწოდების საკომისიოს გადახდიდან არაუგვიანეს 2 (ორი) საათისა, ამასთან მომხმარებელს შესაძლებლობა აქვს პლატფორმაზე დააფიქსიროს პროდუქციის მიღების მისთვის სასურველი დრო, რისი გათვალისწინებაც მოხდება მომხმარებლისთვის შეკვეთის მიწოდებისას.
შეკვეთის მომხმარებლისთვის მიწოდება პლატფრმაზე განთავსებულ ვადაში შესაძლოა ვერ მოხდეს საგზაო მოძრაობის შეფერხების, უამინდომის, შეკვეთის დიდი მოცულობის ან სხვა გაუთვალისწინებელი შემთხვევის გამო, რის შესახებაც წინასწარ ეცნობება მომხმარებელს, რომელსაც უფლება აქვს გააუქმოს შეკვეთა.

პლატფორმის საშუალებით შეძენილი პროდუქციის/მომსახურების იმავე დღეს მიღებას მომხმარებელი შეძლებს მხოლოდ პლატფორმის სამუშაო საათებში განთავსებულ შეკვეთებზე.

იმ შემთხვევაში, თუ პლატფორმაზე არსებული ინფორმაციის მიუხედავად, ობიექტს კონკრეტული პროდუქტი არ აქვს მარაგში ან არსებობს პროდუქტზე დეფიციტი, მოხდება შეკვეთის განთავსებიდან მაქსიმუმ 30 წუთში მომხმარებლთან დაკავშირება შეკვეთის მოდიფიცირების ან კონკრეტულ პროდუქტზე შეკვეთის გაუქმების თაობაზე და ამ გზით მოხდება მომხმარებლის შეკვეთაში შესაბამისი ცვლილების შეტანა.

დაბრუნების პოლიტიკა

„მომხმარებლის უფლებების დაცვის შესახებ“ საქართველოს კანონის მე-13 მუხლის თანახმად, მომხმარებელს უფლება აქვს, ყოველგვარი საფუძვლის მითითების გარეშე თქვას უარი დისტანციურ ხელშეკრულებაზე ან/და სარეწის გარეთ დადებულ ხელშეკრულებაზე 14 კალენდარული დღის განმავლობაში.

ეს ვადა აითვლება:

მომსახურების ხელშეკრულების შემთხვევაში − ხელშეკრულების დადებიდან;
ნასყიდობის ხელშეკრულების შემთხვევაში − მომხმარებლის ან მის მიერ განსაზღვრული მესამე პირის მიერ (გარდა გადამზიდავისა) საქონლის მფლობელობაში მიღებიდან;
მომხმარებლის მიერ საქონლის ნაწილ-ნაწილ შეკვეთის შემთხვევაში − მომხმარებლის ან მის მიერ განსაზღვრული მესამე პირის მიერ (გარდა გადამზიდავისა) ბოლო ნივთის მფლობელობაში მიღებიდან;
საქონლის რეგულარულად (განსაზღვრული პერიოდულობით) მიწოდების ხელშეკრულების შემთხვევაში − მომხმარებლის ან მის მიერ განსაზღვრული მესამე პირის მიერ (გარდა გადამზიდავისა) ნივთის მფლობელობაში პირველად მიღებიდან.

აღნიშნული მოთხოვნის სარგებლობისთვის მომხმარებელი ვალდებულია შეავსოს ნივთის დაბრუნების ფორმა.

ხელშეკრულებაზე უარის თქმის შემთხვევაში მომხმარებელი ვალდებულია:

მოვაჭრეს ან მის მიერ განსაზღვრულ მესამე პირს დაუბრუნოს საქონელი ხელშეკრულებაზე უარის თქმის შესახებ შეტყობინების გაგზავნის შემდეგ დაუყოვნებლივ, მაგრამ არაუგვიანეს 7 კალენდარული დღისა;
გასწიოს საქონლის დაბრუნებასთან დაკავშირებული პირდაპირი (უშუალო) ხარჯი.

იმ შემთხვევაში, თუ ნივთის მახასიათებლები არ შეესაბამება საიტზე მითითებულ მონაცემებს, ნივთს გააჩნია თავდაპირველი ნაკლი ან ნივთი დაზიანებულია ტრანსპორტირების შედეგად, პროდუქციის უკან დაბრუნებას უზრუნველყოფს მოვაჭრე თავისი რესურსით.

უპირობოდ დაბრუნების შემთხვევაში, მომხმარებელი ვალდებულია სრულად დააბრუნოს ნივთი ყველა თანდართულ დოკუმენტთან ერთად.

მოვაჭრე ვალდებულია ნივთის უკან დაბრუნების შეტყობინების მიღებიდან 14 კალენდარული დღის განმავლობაში, უკან დაუბრუნოს მომხმარებელს მის მიერ გადახდილი თანხა. მოვაჭრეს უფლება აქვს, უარი თქვას თანხის დაბრუნებაზე მანამ, სანამ საქონელს არ დაიბრუნებს ან მომხმარებლისგან არ მიიღებს საქონლის გაგზავნის დამადასტურებელ დოკუმენტს, იმის მიხედვით, რომელიც უფრო ადრე განხორციელდება.

თანხის ანაზღაურება მოხდება გადახდის იმავე საშუალებებით, რომლებიც მომხმარებელმა გამოიყენა, გარდა იმ შემთხვევისა, როდესაც მომხმარებელი გადახდის სხვა საშუალების გამოყენებაზე თანხმობას განაცხადებს.

მომხმარებლის მიერ დისტანციურ ხელშეკრულებაზე უარის თქმა ავტომატურად იწვევს დაკავშირებული ხელშეკრულებიდან მის გასვლას და პირვანდელი მდგომარეობის აღდგენას.

მომხმარებელს არ აქვს უფლება, უარი თქვას ხელშეკრულებაზე და უპირობოდ დააბრუნოს პროდუქტი:

დასაბრუნებელ საქონელს შეცვლილი აქვს პირვანდელი სახე და არ არის ვარგისი შემდგომი რეალიზაციისთვის.

მომსახურების ხელშეკრულების შემთხვევაში, მოვაჭრემ ხელშეკრულებით გათვალისწინებული მომსახურება სრულად გასწია, მან მომსახურების გაწევა მომხმარებლის წინასწარი თანხმობით დაიწყო და მომხმარებელმა იცოდა, რომ მომსახურების სრულად მიღების შემთხვევაში დაკარგავდა ხელშეკრულებაზე უარის თქმის უფლებას.

საქონელი ან მომსახურება მომხმარებლის ინდივიდუალური შეკვეთით არის დამზადებული/შესრულებული.

მიწოდებული საქონელი მიწოდების დროს, მისი მახასიათებლებიდან გამომდინარე, განუყოფლად შეერწყა სხვა საქონელს.

დალუქული აუდიო ან ვიდეოჩანაწერი ან პროგრამული უზრუნველყოფა და მისი ლუქი მიწოდების შემდეგ დაირღვა.

აღნიშნული წესი არ ვრცელდება იურიდიულ პირებზე/მეწარმე სუბიექტებზე. კერძოდ, მეწარმე სუბიექტებს/იურიდიულ პირებს არ აქვთ ნივთის 14 კალენდარულ დღეში დაბრუნების უფლება.

აღნიშნული პირობა არ ვრცელდება ისეთ ნივთებზე, რომლის სარეალიზაციო ფასი არ აღემატება 30 (ოცდაათი) ლარს.

საავტორო უფლებები

პლატფორმაზე განთავსებულ ყველა იმ მასალაზე, რომელიც ექვემდებარება საავტორო უფლებებით დაცვას, ვრცელდება კომპანიის ინტელექტუალური საკუთრების უფლება, მომხმარებელი აცხადებს, რომ არ ჩამოტვირთავს, გაავრცელებს და გამოიყენებს პირადი მიზნებისთვის პლატფორმაზე არსებულ მასალებს, ასევე არ განახორციელებს რაიმე ისეთ მოქმედებას, რამაც შეიძლება გამოიწვიოს „საავტორო და მომიჯანავე უფლებების შესახებ საქართველოს კანონის დარღვევა.

გთხოვთ შეავსოთ პროდუქტის ან პროდუქტების დაბრუნების ფორმა და გამოგვიგზავნოთ აღნიშნულ მეილზე : support@goodwill.ge

შეკვეთის თარიღი:

შეკვეთის მიღების თარიღი:

მომხმარებლის სახელი:

მომხმარებლის მისამართი:

მომხმარებლის ხელმოწერა:

ფორმის შევსების თარიღი:

ქა

ინფორმაცია

კონტაქტი