24 და 25 მაისს დიდი დიღმის გუდვილში ქართული წარმოების მხარდამჭერი ღონისძიება გაიმართება სახელწოდებით ,,მოითხოვე ქართული გუდვილთან ერთად!’’ კომპანია ,,გუდვილსა’’ და ,,მოითხოვე ქართულს’’ შორის 8 წლიანი თანამშრომლობის ისტორია გრძელდება და წელს ღონისძიება განსაკუთრებულად მრავალფეროვანი იქნება.

ღონისძიების ფარგლებში ქართველი მეწარმეეები მომხმარებლებს ადგილზე ქართული პროდუქტების გამოფენა-გაყიდვას შესთავაზებენ. ბიო წვენები, ჩაი, ყავა, ჩირები, ჩურჩხელები, ჯემები, ყველი, სანელებლები, არაქისი და სხვა თხილეული, ხელნაკეთი ჩანთები და აქსესუარები: ეს იმ პროდუქციის არასრული ჩამონათვალია, რაც 24 და 25 მაისს ,,გუდვილის’’ მომხმარებელს ჰიპერმარკეტში დახვდება.

წელს პროექტის ფარგლებში, 24 მაისს, გუდვილის ყველა ფილიალში ქართული წარმოების პროდუქტზე -20% ფასდაკლებაც იმოქმედებს. ამით გუდვილი კიდევ ერთხელ დაუჭერს მხარს  ქართულ წარმოებას და აღნიშნავს დამოუკიდებლობის 100 წლის იუბილეს.